Nazvana novaja data mahčymaha abmienu źniavolenymi pamiž Ukrainaj i Rasijaj
facebook.com/denisovaombudsman
Abmien moža adbycca ŭžo zaŭtra, 7 vieraśnia, paviedamlaje Interfaks.
U śpis źniavolenych, jakimi abmianiajucca z Ukrainaj, uvajšli 24 maraki, što trapili ŭ pałon u Kierčanskaj pratocy, i jašče 11 čałaviek, u tym liku asudžany na 20 hadoŭ režysior Aleh Siancoŭ.
Pavodle krynicy, pieršapačatkova Maskva i Kijeŭ damovilisia pra abmien pa formule «35 na 35», ale da 7 vieraśnia mohuć być uniesienyja źmieny, pieramovy buduć praciahvacca da hetaj daty.
Ekstradycyja Stanisłava Klicha i Mikałaja Karpiuka va Ukrainu, jakich vinavaciać u bajavych dziejańniach u Čačni, zastajecca pad pytańniem. Raniej u Maskvie była «asablivaja pazicyja» pa ich ekstradycyi.
U svaju čarhu Kijeŭ uklučyŭ u śpis hałoŭnaha redaktara «RIA Naviny — «Ukraina» Kiryła Vyšynskaha i Uładzimira Cemacha, jakoha nazyvajuć klučavym śviedkam pa spravie źbitaha nad Danbasam u lipieni 2014 hoda małajzijskaha «Boinha».