Azaranka razhramiła Sasnovič u parnym matčy i vyjšła ŭ finał US Open, dzie moža zhulać z Sabalenka
Viktoryja Azaranka i Alaksandra Sasnovič druhi raz supierničali ŭ parnym razradzie, adznačaje tut.by. U duecie z aŭstralijkaj Ešli Barci Azaranka bujna pieramahła Sasnovič, jakaja vystupała razam sa słavačkaj Viktoryjaj Kužmavaj, u paŭfinale adkrytaha čempijanatu ZŠA (pryzavy fond - 26,75 młn dalaraŭ).
Vynik pajadynku, jaki doŭžyŭsia ŭsiaho 56 chvilin, - 6: 0, 6: 1 na karyść Viki i Ešli. Raniej na hruntavym turniry ŭ Rymie Azaranka taksama ŭ pary z Barci abyhrała Sasnovič i ŭkrainku Lesiu Curenka - 6: 2, 6: 4.
U matčy za trafiej na US Open i 740 tys. dalaraŭ u jakaści pryzavych hrošaj biełaruska-aŭstralijski duet pazmahajecca ź pieramožcam supraćstajańnia Aryna Sabalenka (parny rejtynh - 15 WTA) i Elis Miertensa (7 WTA) suprać Kerałajn Doŭłchajd (114 WTA) i Vani Kinh (198 WTA).
Adznačym, što dla Viktoryi Azaranki i Aryny Sabalenki adkryty čempijanat ZŠA startavaŭ z vočnaj sustrečy ŭ adzinočnym razradzie. Aryna akazałasia macniejšaj za Viku - 3: 6, 6: 3, 6: 4, adnak užo ŭ nastupnym raŭndzie prajhrała Julii Pucincavaj z Kazachstana. Dla Viki vylet u pieršym kruzie US Open staŭ pieršym u karjery.
