Ministr Linkiavičus: Litva zacikaŭlena ŭ spraščeńni vizavaha režymu pamiž ES i Biełaruśsiu
U aŭtorak ministr zamiežnych spraŭ Litvy Linas Linkiavičus i novy pasoł Biełarusi ŭ Vilni padčas uručeńnia davierčych hramat Valeryj Baranoŭski abmierkavali pytańni biaśpieki Astravieckaj AES i situacyju z pravami čałavieka ŭ našaj krainie, paviedamlaje Delfi.lt
Ł.Linkiavičus padkreśliŭ nieabchodnaść supracoŭnictva Biełarusi ź mižnarodnymi ekśpiertami i vykanańnia rekamiendacyj ES pa stres-testach i likvidacyi inšych prablem biaśpieki da zapusku elektrastancyi. «Jadziernaja biaśpieka i prablema Astravieckaj AES źjaŭlajucca adnymi z hałoŭnych pytańniaŭ našaj dvuchbakovaha i mižnarodnaha paradku dnia Litvy», - skazaŭ ministr.
«Litva i Biełaruś — susiedzi, i dla nas važnyja ŭsie pytańni. Jak i raniej, my budziem prahmatyčnymi i padtrymajem tyja prajekty abo inicyjatyvy, jakija pryniasuć karyść jak ES, tak i našym dvuchbakovym adnosinam», - dadaŭ Linkiavičus.
Ministr padkreśliŭ, što Litva zacikaŭlena ŭ pavieličeńni kolkaści turystaŭ ź Biełarusi i ŭ spraščeńni vizavaha režymu pamiž Jeŭrapiejskim sajuzam i Biełaruśsiu.
