U Hrodnie adkryjuć samy vialiki ŭ krainie fudkort u vyhladzie siaredniaviečnaha horada
Jon raźmieścicca ŭ HZC Triniti i budzie vyhladać jak siaredniaviečny horad. U restarannaj zonie źjavicca bolš za 20 apierataraŭ.
Fudkort zojmie 5,5 tysiačy «kvadrataŭ», jakija zapoŭniać abjektami roznych farmataŭ — ad fast-fudu da vytančanych restaranaŭ. Hastranamičnaja placoŭka takich maštabaŭ stanie pieršaj u krainie — tut buduć absłuhoŭvać jak žycharoŭ i haściej Hrodna, tak i tych, chto prajazdžaje horad tranzitam.
Restarany źjaviacca vakoł ladovaha katka. Dla ich pabudavanyja nievialikija budynki, stylizavanyja pad jeŭrapiejski horad 18—19 stahodździaŭ. Na roznaŭzroŭnievych terasach kafe, baraŭ i restaranaŭ naviedvalnikaŭ čakaje šyroki ahlad.
Puł apierataraŭ fudkorta ŭžo farmujecca. U pryvatnaści, upieršyniu ŭ Hrodna pryjdzie sietka KFC i adkryjecca kafe staličnaj sietki «Haraž». Akramia viadomych apierataraŭ, u Triniti źjaviacca i restarany biełaruskaj kuchni.
«Kompleks raźmieščany ŭ hustanasielenym žyłym rajonie z raźvitaj transpartnaj infrastrukturaj. Paśla adkryćcia ŭsiaho kompleksu tut štodnia čakajecca bolš za 25 tysiač haściej. My znachodzimsia na źjeździe z mahistrali M6 — samym kamfortnym i karotkim šlachu ź Biełarusi ŭ Jeŭropu. Tut vialiki tranzitny patok i, vidavočna, što vandroŭniki buduć zajazdžać da nas pierakusić. Tak što pamier fudkorta apraŭdany, choć i ambicyjny», — adznačajuć u HZC Triniti.
HZC Triniti ŭklučaje 80 tysiač «kvadrataŭ», ź ich pad šopinh i zabavy vydzielena amal 60 tysiač. Unutry pradstaviać šyroki puł arandataraŭ — ad praduktovaha i budaŭničaha hipiermarkieta da modnych jeŭrapiejskich brendaŭ. Akramia handlovaj halerei, adkryjucca ofisny budynak, dziciačy hulniavy centr, ladovaja arena i vialikaja fitnes-zała. Dla aŭtamabilaŭ vyłučanyja dźvie roznaŭzroŭnievyja parkoŭki na 2100 mašyna-miescaŭ.
