«U našych ustanovach, na ščaście, šmat haściej». U hramadskich prybiralniach Minska staviać terminały
«Heta patrabavańnie času», — raskazała «Našaj Nivie» namieśnica dyrektara ramontna-budaŭničaha kamunalnaha ŭnitarnaha pradpryjemstva «MAF» Ludmiła Hrynievič.
Siońnia terminałami abstalavanyja 34 prybiralni z 90, jakija majucca na bałansie pradpryjemstva.
«Pačynali z prybiralni na aŭtavakzale «Centralny», bo tudy pryjazdžaje šmat zamiežnikaŭ, jakija jašče mahli nie paśpieć pamianiać hrošy na biełaruskija. A paśla pacichu stali abstaloŭvać i inšyja prybiralni», — raskazvaje Ludmiła Hrynievič.
Dyrektar raskazvaje, što kasiry, što pracujuć u prybiralniach, skončyli adpaviednyja kursy, majuć paśviedčańnie.
«Vy viedajecie, što našy kasiry ŭ asnoŭnym nie maładyja, ale jany samyja dobrasumlennyja i adkaznyja. Kaniečnie, zdarajucca pamyłki, ale pastupova ŭsie navučylisia karystacca terminałami», — kaža Ludmiła Hrynievič.
Napiaredadni Dnia Horada, jaki sioleta adznačajecca 14 vieraśnia, ŭ kasiraŭ pracy dabavicca.
«Vielmi adkaznyja vychadnyja nas čakajuć, heta nie daj boh chtości nie trapić da nas va ŭstanovu. Spadziajemsia, najaŭnaść terminałaŭ spraścić choć kryšku pracu našym kasiram», — śmiajecca dyrektar.