Kiraŭnik Polščy paabiacaŭ chutka «vystavić rachunak» Niamieččynie za Druhuju suśvietnuju
Prezident Polščy Andžej Duda napiaredadni 80-hodździa pačatku Druhoj suśvietnaj vajny zajaviŭ, što Varšava nieŭzabavie «vystavić rachunak» Bierlinu za nastupstvy napadu na polskuju terytoryju.
Pavodle jaho słoŭ, reparacyjnyja vypłaty z boku Hiermanii źjaŭlajucca «pytańniem adkaznaści i marali». «Vajna, pra jakuju my havorym siońnia, naniesła vielizarnuju škodu Polščy», — adznačyŭ Duda.
Prezident raskazaŭ, što ŭ 2017 hodzie ŭ krainie była stvorana parłamienckaja kamisija pa reparacyjach. Jana, jak zajaviŭ kiraŭnik dziaržavy, maje namier prezientavać svoj kančatkovy dakład u bližejšy čas.
Duda nahadaŭ pra razburalnyja nastupstvy vajny dla Polščy. U pryvatnaści, jon źviarnuŭ uvahu na toje, što amal 6 młn palakaŭ zahinuli, mnohija harady surjozna paciarpieli, a polskaja stalica była całkam razburana. Pry hetym polski lidar adznačyŭ, što ciapier u Polščy i Hiermanii dobryja adnosiny, jakija jość «uzoram dla pierajmańnia mnohich narodaŭ śvietu». «My nikoli nie zabyvali historyju, ale Hiermanija i Polšča pamirylisia», — skazaŭ na zakančeńnie jon.
Der Spiegel adznačaje, što na minułym tydni polski premjer Matevuš Maraviecki ŭžo rabiŭ padobnuju zajavu. Jon, u pryvatnaści, zajaviŭ, što Hiermanija padčas vajny źniščyła pa mienšaj miery 1000 polskich viosak. U svaju čarhu, ministr zamiežnych spraŭ Polščy Jacek Čaputovič paskardziŭsia na «niedachop fundamientalnaj spraviadlivaści» ŭ pytańni reparacyj krainam, jakija paciarpieli ad dziejańniaŭ Hiermanii. «Polšča była dyskryminavanaja ŭ hetym pytańni», — kazaŭ jon.
U 2017 hodzie kamisija pa reparacyjach acaniła naniesienuju Hiermanijaj škodu ŭ $ 48,8 młrd. Adnak mienš čym praz hod u Sojmie pryjšli da vysnovy, što sumu reparacyj treba pavialičyć u niekalki razoŭ. U sakaviku 2018 hoda hetaja suma pavialičyłasia da $ 850 młrd.
Niamieckija ŭłady, pryznajučy svaju adkaznaść za razbureńni, admaŭlajuć nieabchodnaść novych vypłat. Jany spasyłajucca na rezalucyju polskaha Sojma ad 1953 hoda. U hetym dakumiencie Varšava pryznavała, što FRH vykanała ŭsie svaje abaviazacielstvy pa vypłacie adškadavańnia. U 1991 hodzie Bierlin i Varšava padpisali novaje pahadnieńnie ab dobrasusiedstvie, jakoje było paklikana kančatkova ŭrehulavać pytańni kampiensacyj. Tady Hiermanija vypłaciła Polščy € 1,3 młrd.
