Bolš za 13 tysiač biełarusaŭ nie stali viartać vypłačany padatak na darmajedstva
Pa viartańnie vypłačanaha zboru na finansavańnie dziaržvydatkaŭ za 2015 hod da hetaha času nie źviarnułasia 13,2 tysiačy biełarusaŭ, piša Tut.by. Ahulnaja suma zaniesienaha imi padatku — kala 3,59 miljona rubloŭ (1,75 miljona dalaraŭ u ekvivalencie). Pavodle prezidenckaha dekreta № 1«Ab sadziejničańni zaniataści nasielnictva», tym, chto zapłaciŭ zbor na finansavańnie dziaržvydatkaŭ, pavinny viarnuć hrošy.
Padatkaviki razhledzieli 49,5 tysiačy zajaŭ ad biełarusaŭ, jakija pažadali viarnuć vypłačany zbor na finansavańnie dziaržvydatkaŭ. Usiaho viarnuli vypłačanyja padatki na ahulnuju sumu ŭ 15,01 miljona rubloŭ.
Nahadajem, zbor na finansavańnie dziaržaŭnych vydatkaŭ za 2015 hod zapłacili 62,7 tysiačy hramadzian u pamiery 18,6 miljona rubloŭ.
Kab viarnuć vypłačany padatak, treba napisać zajavu ŭ padatkovuju pa miescy žycharstva i padać dakumient, jaki śviedčyć asobu. Hrošy padatkaviki viartajuć abo na rachunak u biełaruskim banku, abo najaŭnymi ŭ kasach Biełarusbanka. Hrošy viernuć na praciahu miesiaca z dnia padačy zajavy.
