Pamior eks-kiraŭnik Volkswagen Fierdynand Pich. Mienavita jon zrabiŭ kampaniju zvyšprybytkovaj
motor1.com
Były staršynia praŭleńnia Volkswagen AG Fierdynand Pich pamior va ŭzroście 82 hadoŭ. Pa dadzienych ŚMI, jamu stała błaha ŭ restaranie ŭ Bavaryi, kudy jon pryjšoŭ sa svajoj žonkaj Ursułaj Pich. Jaho advieźli ŭ balnicu, dzie jon paśla pamior.
Pich byŭ unukam zasnavalnika Porsche Fierdynanda Porše (synam dački zasnavalnika Łuizy). Svaju karjeru pačaŭ u hetaj kampanii, dzie paźniej staŭ techničnym dyrektaram. U 1972 hodzie, kali jaho siamja vyrašyła, što svajaki nie pavinny ŭvachodzić u mieniedžmient Porsche, pierajšoŭ na pracu ŭ Audi.
U 1993 hodzie Pich uznačaliŭ Volkswagen. Jamu ŭdałosia zrabić kampaniju, što była ŭ daŭhach, prybytkovaj. U 2002 hodzie jon staŭ staršynioj naziralnaj rady kampanii i zajmaŭ hetu pasadu da 2015 hoda.
Da kanca 2012 hoda Volkswagen častkova abo całkam vałodaŭ bolš čym 10 markami aŭtamabilaŭ, uklučajučy Lamborgini, MAN, Scania i Ducatti.
