Źbiehły kot viarnuŭsia dadomu paśla 11 hadoŭ błukańniaŭ
Žycharka Ńju-Jork znajšła źnikłaha 11 hadoŭ tamu kata. Pra heta paviedamlaje miascovy telekanał ABC7.
Mehi Uełz zhadvaje, jak 11 hadoŭ tamu chtości adčyniŭ uvachodnyja dźviery jaje doma, i trochhadovy kot Tyhr źbieh. «My ŭsie vielmi pieražyvali, — raspaviadaje ŭładalnica. — Tak vyjšła, što praz hod my pierajechali. My paprasili novych haspadaroŭ doma źviazacca z nami, kali jany zaŭvažać u dvary kata. Ale jon tak i nie viarnuŭsia».
Amierykanka była ŭpeŭnienaja, što rana ci pozna jaje hadavaniec znojdziecca.
U vyniku kata znajšła supracoŭnica miascovaha prytułku dla žyvioł Kerał O'Koneł. Jana pryznałasia, što apošnija try hady da jaje doma prychodziŭ biazdomny kot. «Z kožnym hodam jon vyhladaŭ ŭsio horš, — adznačyła jana. — Ja dumała, što jaho albo zhubilii, albo vykinuli na vulicu, albo jon i zusim byŭ dzikim».
Pa słovach O'Koneł, viasnoj kot staŭ źjaŭlacca čaściej. Tady žančyna pazyčyła na pracy skanier i vyjaviła, što žyviolina čypavana. Dziakujučy infarmacyi na čypie, rabotnica prytułku źviazałasia z haspadyniaj Tyhra i 22 žniŭnia viarnuła jaho ŭ siamju Uełz.
Ułady adznačyli, što kot znachodziŭsia ŭ davoli dobrym stanie, niahledziačy na hady, praviedzienyja na vulicy.