Pavieł Jakubovič uładkavaŭsia ŭ milicejskuju hazietu «Na stražie»
Šmathadovy redaktar «Sovietskoj Biełorusii» Pavieł Jakubovič, zvolnieny ŭ lutym 2018 hoda, uładkavaŭsia ahladalnikam u štat haziety MUS «Na stražie».
Tam jon apublikavaŭ užo dva materyjały.
«Ja ciapier na piensii — šmat volnaha času, uznačalvaju hramadskuju radu pry MUS. I budu pisać u hazietu pa tematycy dziejnaści hramadskaj rady. Jana viadzie masštabnuju rabotu, jość pra što napisać. Nu i ja prafiesijny žurnalist, usio žyćcio pišu ŭ žurnalistycy, vialikaj i małoj. Było b vielmi dziŭna, kali b adkinuŭ piaro. Viadoma, ja ŭžo nie małady žurnalist, jaki budzie biehać z dyktafonam pa horadzie, a jak kałumnist — ničoha kiepskaha nie baču», — patłumačyŭ Jakubovič karespandentu «Našaj Nivy».
«Usich tych, chto čytaŭ maje sačynieńni ciaham apošnich 40 hadoŭ, zaprašaju ciapier na staronki haziety «Na stražie», — dadaŭ jon.
