Stała viadoma pra pieršaje złačynstva, učynienaje ŭ kosmasie
pixabay.com
Amierykanski astranaŭt En MakKlejn niezakonna sačyŭ za stanam bankaŭskaha rachunku svajoj byłoj žonki — aficera pavietranaj raźviedki ZŠA ŭ adstaŭcy Samier Uorden, u tym liku padčas misii na Mižnarodnaj kaśmičnaj stancyi (MKS). Pra heta paviedamlaje The New York Times.
Pavodle haziety, Uorden zaŭvažyła, što niechta ŭvachodzić u jaje bankaŭski rachunak, i źviarnułasia ŭ bank z prośbaj vyznačyć miescaznachodžańnie kampjutaraŭ, ź jakich ažyćciaŭlalisia niezakonnyja dziejańni. Vyśvietliłasia, što adzin z hetych kampjutaraŭ byŭ zarehistravany ŭ sietcy NASA. Paśla hetaha žančyna paskardziłasia na svajho byłoha ŭ Fiederalnuju handlovuju kamisiju ZŠA.
Padčas pakazańniaŭ, dadzienych hałoŭnamu inśpiektaru NASA pad prysiahaj, Mak-Klejn pryznałasia, što zachodziła ŭ bankaŭski akaŭnt Uorden pad parolem, jaki vykarystoŭvaŭsia padčas ich sumiesnaha žyćcia. Pavodle jaje słoŭ, takim čynam jana chacieła pierakanacca, što eks-kachanaj i jaje synu chapaje srodkaŭ na žyćcio. Pry hetym abvinavačanaja adznačyła, što nie viedała pra zabaronu na sačeńnie za rachunkam Uorden.
U NASA, a taksama ŭ Centry hłabalnaha kaśmičnaha prava univiersiteta Kliŭlenda vydańniu paćvierdzili, što nie viedajuć ni jakoje raniejšaje złačynstva, učynienaje na MKS.
