Kitaj aryštavaŭ supracoŭnika konsulstva Brytanii ŭ Hankonhu
Ułady Kitaja paćvierdzili zatrymańnie supracoŭnika konsulstva Vialikabrytanii ŭ Hankonhu, jaki źnik na pačatku žniŭnia. Zatrymanaha aryštavali na 15 dzion za parušeńnie zakona ab hramadskaj biaśpiecy, pieradaje AFP.
Piekin padkreśliŭ, što zatrymańnie i aryšt hramadzianina Kitaja źjaŭlajecca «ŭnutranaj spravaj».
«Supracoŭnik źjaŭlajecca hramadzianinam Hankonha, jon nie hramadzianin Vialikabrytanii», — zajaviŭ pradstaŭnik MZS Kitaja.
Sajman Čen adpraviŭsia ŭ Šeńčžeń, miehapolis na miažy Kitaja i Hankonha, 8 žniŭnia na adnadzionnuju dziełavuju sustreču. Paśla čaho jon nie viarnuŭsia na pracu ŭ brytanskaje konsulstva.
Incydent adbyŭsia na fonie masavych pratestaŭ u Hankonhu. Kitajskija ŭłady abvinavačvajuć Vialikabrytaniju (jakaja raniej vałodała Hankonham) va ŭmiašańni va ŭnutrykitajskija spravy.
Pratestoŭcy ŭ Hankonhu vystupajuć suprać płanaŭ urada dazvolić vydaču mierkavanych pravaparušalnikaŭ i złačyncaŭ uładam Kitaja. Zakonaprajekt adkłali, ale kančatkova nie adklikali.
