Na Viciebskim miasakambinacie skrali 10 ton sody
Finansavaja milicyja raskryła schiemu kradziažu kaŭstyčnaj sody na viciebskim miasakambinacie.
Ustanoŭlena, što zahadčyca składa, dva tavaraznaŭcy adździeła materyjalna-techničnaha zabieśpiačeńnia i kiroŭca pradpryjemstva sa studzienia 2018 hoda pa maj 2019 hoda vykradali kaŭstyčnuju hranulavanuju sodu, jakaja pastaŭlałasia na pradpryjemstva.
Kab stvaryć liški sody dla jaje prodažu, sodu vydavali sa składa ŭ mienšaj kolkaści, čym praduhledžvałasia normami. «Zekanomlenaja» soda nazapašvałasia na składzie, pry hetym składalisia zajaŭki na jaje zakupku. Adnak paśla nabyćcia sodu dastaŭlali transpartam miasakambinata nie na skład pradpryjemstva, a ŭ staličnuju kamiercyjnuju strukturu, jakoj pradavali tavar za hatoŭku.
Pa hetaj schiemie było vykradziena 10 ton sody na sumu bolš za 25 tysiač rubloŭ.
Zaviali kryminalnuju spravu.