Siońnia — Jabłyčny Spas u pravasłaŭnych. Adno z apošnich śviataŭ leta
Pravasłaŭnyja śviatkujuć 19 žniŭnia, Pieramianieńnie Haspodniaje — abo Jabłyčny Spas.
Niezadoŭha da Hałhofy, Isus Chrystos uźniaŭsia z tryma apostałami — Piotram, Jakubam i Janam — na haru Tabor u Halilei, dzie «pieramianiŭsia pierad imi. Abličča Jahonaje zaźziała, byccam sonca, a vopratka stałasia biełaj jak śviatło». Apostały pabačyli, jak praroki Illa i Majsiej havorać sa Zbaŭcam. «I voś śvietłaja chmara pakryła ich, i z chmary byŭ čutny hołas, jaki kazaŭ: «Heta Syn Moj luby, jakoha Ja ŭspadabaŭ: Jaho słuchajcie!», — staić u Jevanhielli.
***
Pryjšoŭ Piatrok — apaŭ listok, pryjšoŭ Ilja — apała dva, pryjšoŭ Spas — pajšło leta ad nas, kaža narodnaja mudraść.
Što praŭda, siońnia budzie nadzvyčaj ciopła, u Minsku da +28, i hety tydzień budzie taksama ciopłym.
Kali busły nie adlatajuć da Spasa, to zima budzie miakkaja i ciopłaja. Jaki druhi Spas, taki i studzień.