Zapracuje numar 140 — kab aformić DTZ biez vykliku DAI
Z 19 žniŭnia (paniadziełak) kruhłasutkava pačnie pracu koł-centr dla kansultavańnia pa afarmleńni DTZ biez vykliku DAI. Jon budzie pracavać pa karotkim numary 140. Pra heta paviedamili BiełTA ŭ Biełaruskim biuro pa transpartnym strachavańni.
«Časta kiroŭcy, znachodziačysia ŭ stresavaj situacyi, majuć ciažkaści padčas pryniaćcia rašeńnia ab afarmleńni DTZ biez vykliku DAI i zapaŭnieńni paviedamleńnia. Tamu Biełaruskim biuro pa transpartnym strachavańni sumiesna sa strachavymi arhanizacyjami — členami siabrami biuro stvorany koł-centr pa karotkim numary 140 dla kansultavańnia hramadzian pa pytańniach, źviazanych z afarmleńniem DTZ biez vykliku DAI», — paviedamili ŭ Biełaruskim biuro pa transpartnym strachavańni.
Źviarnuŭšysia ŭ koł-centr 140, hramadzianie zmohuć apieratyŭna atrymać kansultacyju jak pa paradku i ŭmovach afarmleńnia DTZ biez vykliku DAI, tak i pa zapaŭnieńni paviedamleńnia dy inšych pytańniach, na jakija nieabchodna źviarnuć asablivuju ŭvahu ŭ takich situacyjach.
Kansultacyi buduć davacca biaspłatna. Ale pasłuhi mabilnaj suviazi apłačvajucca pa taryfach mabilnych apierataraŭ, a voś zvanki dla abanientaŭ stacyjanarnaj telefonnaj sietki źjaŭlajucca biaspłatnymi.