Na što pahladzieć, kali matč hoda pieranieśli na kaniec vieraśnia? Ahlad 18 tura vyšejšaj lihi
Razam z Bukmiekierskaj kantoraj Marafon my sočym za čempijanatam Biełarusi pa futbole, jaki praciahnuŭsia ŭ skaročanym składzie ŭdzielnikaŭ.
Minuły tur nie skazać, kab byŭ nasyčanym na siensacyi, ale byŭ bahatym na hały, a los dvuch matčaŭ byŭ vyrašany ŭžo ŭ dadadzieny čas. Tak, «Słavija» vyrvała ničyju ŭ Žodzinie, a minskaje «Dynama» — pieramohu ŭ derbi z «Minskam».
Futbalisty «Šachciora» śviatkujuć pieramohu nad «Niomanam» z fanatami. Fota: FK «Šachcior».
Što datyčycca hałoŭ, to ažno siem pabačyli homielskija amatary futbołu (ale naŭrad ci ich heta paradavała, bo «Homiel» prajhraŭ «Słucku» — 3:4), šeść miačoŭ «Šachcior» zabiŭ «Niomanu», BATE razhramiŭ «Enierhietyk-BDU» — 4:1, a zhadanaje vyšej minskaje derbi skončyłasia ź likam 3:2.
Praź pieranos hulni «Dynama-Brest» — BATE prahrama 18-ha tura składajecca tolki z šaści matčaŭ, i chaciełasia b spadziavacca, što jany buduć takija ž vynikovyja.
«Enierhietyk-BDU» — «Homiel»
- 16.08, 18:00. Stadyjon FK «Minsk».
- Kaeficyjenty: «Enierhietyk-BDU» (pieramoha) — 2.68; ničyja — 3.54; «Homiel» (pieramoha) — 2.41
- Matč pieršaha kruha — 0:3
My prahnazavali, što daśviedčany trenierski štab «studentaŭ» zdoleje znajści zamienu Uładzisłavu Vasiljevu, ale paśla pierajezdu kazachstanca ŭ Brest «Enierhietyk» prajhraŭ dva matčy. Stanovicca tryvožna za simpatyčnuju kamandu.
Tryvoha ž za «Homiel» stała ŭžo našym piermanientnym stanam. Zdajecca, u Alaksieja Miarkułava tytanavyja niervy, bo tryvać nieluboŭ zaŭziataraŭ, niaŭdałuju kamandnuju hulniu i zastavacca na pracoŭnym miescy moža tolki čałaviek kštałtu Terminatara.
Prahnoz «NN»: Razam z tranśfieram Vasiljeva źnikła i halavaja moc «Enierhietyka». Ale ŭ Minsk jedzie «Homiel», jaki jak davoli šmat zabivaje, tak i prapuskaje jašče bolš. Tamu davoli zvykły totał, bolšy za 2,5.
«Nioman» — «Isłač»
- 16.08, 20:45. CSK «Nioman».
- Kaeficyjenty: «Nioman» (pieramoha) — 2.76; ničyja — 3.40; «Isłač» (pieramoha) — 2.42
- Matč pieršaha kruha — 0:1
«Isłač» papiaredni tur prapuskała. Kab nie panižać hulniavy tonus, kamanda Vitala Žukoŭskaha zładziła sparynh z NFK (eks-«Krumkačami»). «Vaŭki» minimalna pieramahli i ŭ dobrym, vidać, stanie jeduć u Hrodna.
U «tavarniaku» z NFK za «Isłač» debiutavaŭ Alaksandr Hleb. Fota: FK «Isłač».
Haradziency, vidavočna, adčuvajuć kudy mienš stanoŭčyja emocyi — paśla vyletu z Kubka «Nioman» atrymaŭ jašče i 0:6 u matčy čempijanatu.
Prahnoz «NN»: Miarkujem, što «Isłač» pieramoža.
«Słavija» — «Dniapro»
Abiedźvie kamandy na praciahu apošnich piaci turaŭ nie viedajuć pieramoh. Kali «Dniapro» piać turaŭ vyklučna prajhraje, to ŭ mazyrčukoŭ stanovišča krychu lepšaje: try matčy skončylisia ŭničyju.
Prahnoz «NN»: Niaŭdałyja vyniki adbilisia na miescy «Słavii» ŭ tablicy — mazyrčuki ŭžo adzinaccatyja. Mahiloŭcam ža treba nabirać turnirnyja bały, kab vybiracca z padvała. Tamu prahnazujem aściarožny matč z małoj kolkaściu hałoŭ — totał, mienšy za 2,5.
«Minsk» — «Tarpieda-BiełAZ»
Jak «haradžanie», tak i «aŭtazavodcy» zhubili bały ŭ kancoŭkach matčaŭ minułaha tura.
Što jašče jadnaje minčukoŭ i žodzincaŭ — dyk heta sieryi bieź pieramoh. U «Minska» jana skłała čatyry hulni, u «Tarpieda» — na adnu mienš.
Prahnoz «NN»: Miarkujem, što žodzincy vyjduć vielmi zaradžanymi na pieramohu i zmohuć jaje atrymać. Tamu stavim na pieramohu «Tarpieda».
«Haradzieja» — «Dynama-Minsk»
Apošnija dva siezony «Haradzieja» i «Dynama» stabilna vyjhrajuć pa adnym matčy adzin u adnaho.
U pieršym kruzie na stadyjonie «Dynama» pieramahli haspadary. Pa statystycy varta ciapier čakać pieramohi «Haradziei»?
Prahnoz «NN»: Pasprabujem pajści nasupierak statystycy i sprahnazavać pieramohu «Dynama». U paraŭnańni z časami Pilipčuka, kamanda Hurenki demanstruje mocny charaktar i bahaty na zabityja miačy futboł. I kab praciahvać pretendavać na miedali, u kamand kštałtu «Haradziei» treba pieramahać.
«Słuck» — «Šachcior»
Nielha nie adznačyć, što «Słuck», jak ptuška fieniks, paŭstaje z popiełu — 10 bałaŭ z 12 mahčymych u čatyroch apošnich matčach. I pieršaja pałova tablicy ciapier na adlehłaści adnoj pieramohi.
«Šachcior» zdoleŭ pakazać charaktar u hulni adkaz z «Taryna» — paśla 0:5 ničyju ŭ Minsku možna ličyć hodnym vynikam. Ciapier na haryzoncie tolki baraćba za čempijonstva. I da jaje «Šachcior», zdajecca, vydatna hatovy.
Prahnoz «NN»: Niahledziačy na toje što «Słuck» u svajoj historyi dvojčy pieramahaŭ u «Šachciora», słuččaki zvyčajna drenna hulajuć z topavymi kamandami. Tamu stavim na pieramohu «Šachciora».
U suviazi sa źniaćciem z čempijanatu minskaha «Tarpieda», va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Viciebsku». A hulnia «Dynama-Brest» — BATE adbudziecca 25 vieraśnia.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
