«Mianie padtrymali šmat nieznajomych ludziej, Bi-bi-si rychtuje film». Alaksandra Burykina raskazała pra žyćcio paśla spoviedzi
Alaksandra Burykina doŭhi čas vymušana hrała rolu ŭdziačnaj dački «baciuški sa svastykaj» Kanstancina Burykina, nastajaciela chrama ŭ Hatavie.
Ale niadaŭna stała viadoma, što na Burykina zaviedziena jašče adna sprava, za «hvałtoŭnyja seksualnyja dziejańni», i achviara — dačka.
U kancy červienia Alaksandra dała hučnaje intervju «Našaj Nivie», u jakim raskazała pra žudasnyja realii siamiejnaha žyćcia.
Čytajcie: «Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj
Što źmianiłasia z taho času? Jakoj była reakcyja blizkich na takuju ščyraść?
Alaksandra Burykina. Fota Arcioma Harbaceviča
«Pakul u mianie ŭsio pa-staromu, — kaža Alaksandra. — Idzie śledstva, tamu pra spravu ničoha kazać nie mahu. Usio praviarajecca. Maja mačacha pakul jašče žyvie ź dziećmi. Vidać, jaje los budzie jasny paśla suda».
«U asnoŭnym mianie padtrymlivali, šmat nieznajomych ludziej. Bo pieršapačatkova jak?
Kali prakuratura zajaviła, što zaviedziena sprava, to, viedajecie, mnie takija źjedlivyja žarty pisali, abrazy. A potym, kali ja vyhavaryłasia, to naadvarot — navat znajomyja baćki i Volhi [mačacha, druhaja žonka Burykina — «NN»] vyjšli na suviaź i kazali «Jaki žach!».
Pakul što ja trenirujusia, sama patrochu treniruju, sprabuju ŭładkavacca na rabotu na zapraŭku. Adnosiny ź inšymi spartoŭcami-paŭerliftarami naładzilisia, mianie ž raniej niedalublivali, a ciapier roŭna staviacca, biez kasych pohladaŭ. Siabry mianie padtrymali taksama», — dadała jana.
Taksama dziaŭčyna kaža, što stamiłasia ad uvahi pressy.
Alaksandra raskazała, što Bi-Bi-Si źbiraŭsia zdymać film pra jaje pakuty. Dziaŭčyna dała dla jaho intervju, ale potym admoviłasia ad zdymkaŭ u horadzie, bo «nie chočacca rabić z hetaha kino».
Maŭlaŭ, žurnalisty adkazali, što niešta prydumajuć uzamien.
