Pry avaryjnaj pasadcy samalota pad Maskvoj paciarpieli dziasiatki čałaviek
Fota SK RF
Pa miedycynskuju dapamohu paśla avaryjnaj pasadki samalota «Uralskich avijalinij» niepadalok ad aeraporta Žukoŭski pad Maskvoj źviarnulisia bolš za paŭsotni čałaviek. Pra heta paviedamiła infarmavanaja krynica, piša lenta.ru.
Pa ŭdakładnienych dadzienych, da miedykaŭ źviarnulisia 55 čałaviek, 17 ź ich dzieci.
Samalot «Uralskich avijalinij» z 226 pasažyrami na borcie vylecieŭ z Maskvy ŭ Simfieropal ranicaj 15 žniŭnia i ździejśniŭ avaryjnuju pasadku ŭ kukuruznym poli ŭ rajonie aeraporta Žukoŭski praz 15 chvilin paśla ŭźlotu. Paviedamlałasia ab uzharańni adnaho z ruchavikoŭ, pryčynaj nazyvałasia traplańnie ŭ jaho ptušak, padčas pasadki ruchavik advaliŭsia. Paźniej u avijakampanii zajavili, što ŭ łajniery adbyłasia admova siłavych ustanovak.