Tramp paklikaŭ «vialikaha» Si Czińpina abmierkavać miaciežny Hankonh
Amierykanski prezident Donald Tramp zajaviŭ, što staršynia Kitaja Si Czińpin moža humanna vyrašyć prablemu Hankonha i prapanavaŭ jamu sustreču. Adpaviedny dopis źjaviŭsia ŭ tvitary.
«Ja viedaju prezidenta Kitaja Si vielmi dobra. Jon vialiki lidar, jaki vielmi mocna pavažaje svoj narod. Jon taksama dobry ŭ «žorstkich spravach». U mianie niama nijakich sumnievaŭ, što kali prezident Si choča chutka i humanna vyrašyć prablemu Hankonha, jon zrobić heta. Asabistaja sustreča?» — napisaŭ lidar ZŠA
Raniej ambasadar Kitaja ŭ Rasii Čžan Chańchuej zajaviŭ, što situacyja ŭ Hankonhu źjaŭlajecca «kalarovaj revalucyjaj», jakuju sprabuje ažyćciavić Zachad dla strymlivańnia Kitaja. Da hetaha Tramp raspavioŭ, što amierykanskaja raźviedka paćviardžaje, što ŭłady Kitaja nakiravali vojski da miažy z Hankonham.
