Mahiloŭka ŭdaryła 80-hadovuju maci nažnicami i sprabavała zadušyć za toje, što taja drenna vychoŭvała sabaku
Kołatuju ranu nažnicami ŭ pieradplečča naniesła svajoj 80-hadovaj maci mahiloŭka.
Piensijanierka, jakaja patelefanavała ŭ milicyju, śćviardžała, što dačka pavaliła jaje na padłohu i dušyła, pahražajučy raspravicca fizična. Vyśvietliłasia, što 48-hadovaja žančyna, jakaja znachodziłasia ŭ stanie ałkaholnaha apjanieńnia, viarnułasia dadomu paśla prahułki z sabakam.
Jana była vielmi aburanaja tym, što mužčyna na vulicy zrabiŭ zaŭvahu pavodzinam jaje hadavanca. Žančyna stała śćviardžać, što mienavita maci raśpieściła sabaku.
Razzłavaŭšysia, mahiloŭka pačała skandalić i vyśviatlać adnosiny z maci, a paśla ŭdaryła jaje nažnicami i pavaliła na padłohu, dušyła i pahražała zabojstvam..
Dačka piensijanierki ŭžo nieadnarazova pryciahvałasia da administracyjnaj adkaznaści za raśpićcio śpirtnych napojaŭ u hramadskim miescy i naŭmysnaje pryčynieńnie cialesnaha paškodžańnia.