Va Ukrainie dziaciej biez pryščepak nie buduć prymać u škoły i sadki
Nievakcynavanyja dzieci, akramia tych, jakija majuć supraćpakazańni da vakcynacyi, nie zmohuć naviedvać škołu i dziciačyja sady ź inšymi vučniami, paviedamiła v.a. ministra achovy zdaroŭja Ukrainy Ulana Suprun na pres-kanfierencyi ŭ Kijevie, paviedamlaje intefax.com.ua
Pavodle jaje słoŭ, patrabavańnie pra abaviazkovuju vakcynacyju zamacavana zakonam i paćvierdžana rašeńniem Viarchoŭnaha suda.
«Va ŭmovach kalektyvu nievakcynavanyja dzieci mohuć raspaŭsiudžvać infiekcyju inšym. Artykuł 15 zakona «Ab abaronie nasielnictva ad infiekcyjnych chvarob» praduhledžvaje, što dzieciam, jakija nie atrymali pryščepak pa Nacyjanalnym kalendary, naviedvać navučalnyja ŭstanovy nie dazvalajecca», — skazała jana.
Ministr adukacyi i navuki Lilija Hrynievič dadała, što dziaržava ŭ lubym vypadku pradastavić dziciaci dostup da adukacyi.
«Kali baćki admaŭlajucca ad vakcynacyi, jany majuć prava abrać alternatyŭnuju formu navučańnia, naprykład, indyvidualnuju ci dystancyjnuju», - skazała jana.
Kali ŭ dziciaci jość supraćpakazańni da vakcynacyi, jamu pradastaŭlajecca adpaviednaja daviedka, a rašeńnie ab dopusku takoha dziciaci va ŭstanovy adukacyi prymaje kamisija daktaroŭ.
