Arhiencinskaja birža i kurs piesa abvalilisia z-za vynikaŭ prajmieryz
pixabay.com
Śledam za kursam nacyjanalnaj valuty ŭ Arhiencinie abvalilisia i akcyi bolšaści kampanij. Pryčynaj stała publikacyja vynikaŭ prajmieryz, pa vynikach jakich favarytam vybaraŭ staŭ apazicyjanier Albierta Fiernandes, paviedamlaje RBK.
Arhiencinski fondavy indeks, jaki ŭ pačatku tarhoŭ na biržy ŭ Buenas-Ajresie pieravyšaŭ 44 tysiačy punktaŭ, padčas tarhovaj siesii źniziŭsia bolš čym na 30%.
Kurs nacyjanalnaj valuty piesa padčas tarhoŭ taksama padaŭ na 30% — z 45 da 65 piesa za dalar ZŠA. Adnak na valutnym rynku situacyja ŭ niejki momant źmianiłasia, i vynikovaje źnižeńnie skłała 15%.
Situacyja ŭ Arhiencinie źmianiłasia paśla prajmieryz, jakija prajšli ŭ niadzielu. Na ich dziejnaha prezidenta krainy Maurysia Makry padtrymali kala 30% vybarščykaŭ, tady jak jaho apanienta Fiernandesa, jaki išoŭ u pary z Kryścinaj Kiršnier — bolš za 47%. I choć sami vybary projduć tolki ŭ kancy kastryčnika, častka analitykaŭ paličyła, što Fiernandes staŭ ich asnoŭnym favarytam.
Inviestary aścierahajucca, što apazicyjanier adydzie ad «rynkavaj» palityki Makry i vierniecca da žorstkaha kantrolu nad valutnym rynkam i rucham kapitału.
Fiernandes ŭ 2003-2008 hadach uznačalvaŭ urad Arhienciny, kali prezidentami byli Kryścina Kiršnier i jaje muž Niestar Kiršnier.