Raźviedka ZŠA źviazvaje vybuch u Rasii z vyprabavańniem kryłataj rakiety ź jadziernaj ustanoŭkaj
Vybuch pad Archanhielskam adbyŭsia pry vyprabavańni pratatypa kryłataj rakiety novaha typu, pra jakuju zhadvaŭ prezident Uładzimir Pucin, paviedamlaje The New York Times sa spasyłkaj na amierykanskuju raźviedku.
Pradstaŭniki raźviedki ZŠA na ŭmovach ananimnaści zajavili, što padazrajuć, što vybuch źviazany z vyprabavańniem pratatypa mižkantynientalnaj kryłataj rakiety ź jadziernaj ustanoŭkaj Buravieśnik, jakuju NATA paznačaje jak SSC-X-9 Skyfall.
Hetaja kryłataja rakieta moža dasiahnuć luboha kutka Ziamli. Jana startuje z naziemnaj puskavoj ustanoŭki i abstalavana jadziernaj enierhaŭstanoŭkaj.
Buravieśnik praktyčna niedasiažny dla pierachopu isnujučymi amierykanskimi supraćrakietnymi sistemami na Alascy i ŭ Kalifornii, jakija pryznačany dla pierachopu mižkantynientalnych balistyčnych rakiet u kosmasie.