Niamieckija daśledčyki: Karšerynh — mif, jaki nie vyrašyć prablemy trafiku
Pasłuhi pachvilinnaha prakatu aŭtamabilaŭ (tak zvany «karšerynh») nie daje čakanaha efiektu ŭ bolšaści haradoŭ Hiermanii, piša hazieta Ziuddojče Cajtunh.
Pieršapačatkova, na karšerynh uskładalisia vialikija spadziavańni. Jak mierkavałasia, admoviŭšysia ad ułasnych aŭto na karyść ahulnych aŭtamabilaŭ, ludzi tym samym vyzvalać vulicy ŭ svaich haradach ad zališniaha trafiku.
Ličycca, što adno aŭto karšerynhu zdolnaje zamianić dziesiać adzinak piersanalnaha aŭtatranspartu.
Adnak, jak vyjaviłasia, stanoŭčy efiekt ad pašyreńnia karšerynhu ŭ bolšaści niamieckich haradoŭ minimalny, piša Ziuddojče Cajtunh sa spasyłkaj na vyniki daśledavańnia kansałtynhavaj kampanii ATKearney.
Pachvilinny prakat aŭto moža być prybytkovym tolki ŭ hustanasielenych rajonach krainy, pišuć daśledčyki. U pravincyi dy ŭ mienšych haradach karšerynh prosta nie akupicca.
Ale navat kali ŭsie nasielniki niamieckich ahłamieracyjaŭ — Bierlina, Hamburha, Miunchiena, Štutharta, Frankfurta — admoviacca ad ułasnych aŭto i pierasiaduć na karšerynhavyja aŭtamabili, usio adno heta dazvolić prybrać z daroh tolki vartyja žalu 5% aŭtamabilaŭ u maštabach krainy. Takaja ž situacyja budzie i ŭ inšych jeŭrapiejskich krainach sa značnaj terytoryjaj, miarkujuć daśledčyki.
Vialikaja prablema ŭ tym, što mnohija karystalniki karšerynhu ličać jaho nie zamienaj, a dadatkam da ŭłasnaha aŭto.
Naprykład, u vialikich haradach Hiermanii byvaje praściej i tańniej zaparkavać ułasnuju mašynu daloka ad domu, pierasieści na karšerynhavaje aŭto, dabracca na im da samaha hanka i kinuć jaho na rahu vulicy.
Pakul što firmy, jakija dajuć aŭto ŭ pachvilinny prakat, zavablivajuć klijentaŭ nizkimi cenami, a heta nie taja matyvacyja, jakaja spryjaje ekałahičnym pavodzinam, miarkujuć daśledčyki.
Dla taho, kab zaachvocić ludziej i sapraŭdy admovicca ad ułasnych aŭto, varta stvarać karšerynhu imidž «zialonaj alternatyvy», a nie tannaha sposabu pierasoŭvańnia pa horadzie.
Bierlin možna nazvać stalicaj niamieckaha karšerynhu, piša hazieta. U stalicy krainy bolš za 5 tysiač aŭto ŭ ahulnym karystańni, pryčym ažno pałova ź ich — elektramabili. Usiaho ŭ śviecie kolkaść karšerynhavych aŭto vyrasła z 7 da 27 miljonaŭ za try hady.
