Susied pa internacie sfatahrafavaŭ kartu minčuka i try miesiacy rabiŭ ź jaje staŭki ŭ anłajn-kazino
U Maskoŭski RUUS h. Minska źviarnuŭsia małady čałaviek z zajavaj ab tym, što ŭ jaho z bankaŭskaj kartki źnikajuć hrošy, piša HUUS Minharvykankama. Svaju kartu jon nikomu nie pieradavaŭ i asabistyja źviestki ź jaje nie vydavaŭ. Adnak uspomniŭ, što, žyvučy ŭ internacie, moh pieryjadyčna pakidać jaje ŭ pakoi.
Apieratyŭniki hrupy pa raskryćci złačynstvaŭ u śfiery vysokich technałohij vyśvietlili, što karta pryviazanaja da akaŭnta anłajn-kazino, ułaśnikam jakoha akazaŭsia 19-hadovy susied paciarpiełaha pa internacie.
Susied pryznaŭsia, što ŭ adzin ź dzion, kali paciarpieły pajšoŭ pa spravach, jon zajšoŭ u jaho pakoj i sfatahrafavaŭ bankaŭskuju kartku, što lažała na stale. A paśla pryviazaŭ da svajho akaŭnta anłajn-kazino i nieadnarazova vykarystaŭ, kab stavić staŭki i hulać.
Ahulnaja suma škody skłała kala 500 rubloŭ. Materyjały pravierki pieradali ŭ Śledčy kamitet dla pravavoj acenki.
