Na rovary i sa strelbaj: u Salihorskim rajonie šukajuć prysudžanaha da «chimii» viaskoŭca, jaki źbiŭ milicyjanta
Milicyja šukaje Dźmitryja Bajraša, žychara vioski Vialiki Rožan (Salihorski rajon).
8 žniŭnia Bajraš prymianiŭ fizičnuju siłu ŭ dačynieńni da supracoŭnika milicyi i źnik.
«Bajraš byŭ apranuty ŭ štany ciomna-zialonaha koleru, na štanach majucca łatki ŭ rajonie kalenaŭ, kurtka ciomna-zialonaha koleru, słancy.
Pierasoŭvajecca na rovary. Pry sabie moža mieć palaŭničuju hładkastvolnuju strelbu, infarmacyju ab jakoj chavaŭ.
Nia ŭstupajcie z mužčynam ŭ kantakt, bo jon moža być niebiaśpiečny», — paviedamlaje milicyja.
Bajraš raniej byŭ asudžany za zhvałtavańnie. Paśla vychadu z kałonii viarnuŭsia ŭ rodnuju viosku. Pracavaŭ rabočym u ŽKH.
«Vypivaŭ? Nu jak zaŭsiody», — kažuć pra Bajraša miascovyja. Chodziać čutki, što mužčyna źbivaŭ byłuju žonku (jany raźvialisia). «Naša Niva» adšukała žančynu, ale jana admoviłasia ad kamientaroŭ.
Viadoma, što paru miesiacaŭ tamu Bajraš abakraŭ žycharku susiedniaj vioski Baravaja. Źnios instrumient: rubanki, kasiłku…
Jaho znajšli. Prysudzili da «chimii».
«Najchutčej, jaho i pryjechali zabirać na tuju «chimiju», kali zdaryŭsia kanflikt», — miarkujuć miascovyja žychary.
Kali vam što-niebudź viadoma pra miescaznachodžańnie Bajraša, milicyja prosić paviedamić pa telefonach 8-0174-28-22-02, 8-029-773-54-71.
