Alaksandra Hierasimienia: Niadaŭna prapanoŭvali stać deputatam — admoviłasia
Alaksandra Hierasimienia, jakaja zaviaršyła karjeru ŭ sporcie, u intervju pressball.by raspaviała, što joj prapanoŭvali pajści ŭ palityku.
- Čuju słovy hatovaha deputata.
- Mnie, darečy, niadaŭna prapanoŭvali. Admoviłasia. Pa-pieršaje, tady jašče dumała praciahvać karjeru, plus maleńkaja dačka, nie da hetaha było.
- Sport i Sonia byli adzinymi pieraškodami?
- Mabyć, nie. Heta ŭsio ž taki surjozny pavarot u žyćci, i jaho treba było staranna abdumać. Dla takoj pracy treba mieć peŭny skład rozumu. Umieć uzajemadziejničać ź sistemaj.
- Dla ciabie heta nieprymalna?
- Jakraz ja lublu padparadkoŭvacca ahulnym praviłam. Biez hetaha nielha, pakolki chaos ni da čaho dobraha nie pryvodzić. Ale praviły pavinny być zrazumiełymi i vytłumačalnymi z punktu hledžańnia zdarovaha sensu. Mianie hniacie biurakratyzm, kali pytańnie, jakoje možna vyrašyć za piać chvilin, patrabuje tydzień chadžeńniaŭ pa kabinietach. Vielmi caniu svoj čas, i mnie nie padabajecca, što jon sychodzić u nikudy, - skazała Hierasimienia.