Ekśpierty AAN rajać jeści mienš miasa — dziela baraćby sa źmianieńniem klimatu
Ekśpierty AAN pradstavili novy dakład, u jakim raspaviali pra toje, što nieabchodna rabić dla baraćby sa źmienaj klimatu. Adzin z hałoŭnych punktaŭ dakłada — skaračeńnie spažyvańnia miasnoj pradukcyi.
Dakład padrychtavali 107 navukoŭcaŭ ź mižuradavaj hrupy ekśpiertaŭ pa źmianieńni klimatu AAN.
Aŭtary dakłada ličać, što ciapier ziamla vykarystoŭvajecca nieracyjanalna: zanadta šmat płoščaŭ zaniatyja pad žyviołahadoŭlu, tady jak možna było b nakarmić značna bolš ludziej pry vykarystańni tych ža płoščaŭ dla ziemlarobstva.
«Źmiena sistemy viadzieńnia sielskaj haspadarki — heta klučavy faktar. U hetym sensie pierachod našaj dyjety ŭ bok mienšaj kolkaści miasa i bolšaj kolkaści harodniny — adna z hałoŭnych rekamiendacyj, tamu što heta nie tolki vyzvalić ziamlu, jakaja patrebna dla vyroščvańnia raślin, ale taksama pryviadzie da vyzvaleńnia ziamiel dla abarony lasoŭ», — kaža adzin z aŭtaraŭ dakłada, Rejs Tyrada z Univiersiteta Eksietera
30% praduktaŭ, što vyrablajucca na Ziamli, vykidvajucca, tady jak 820 młn ludziej na Ziamli niedajadajuć.
Na dumku navukoŭcaŭ, spynić ci chacia b zapavolić tempy źmieny klimatu budzie niemahčyma biez vykanańnia nastupnych zadač:
- Zachoŭvać naturalnyja lasy, asabliva trapičnyja.
- Jeści mienš miasa i bolš harodniny.
- Zachoŭvać i adnaŭlać tarfianiki.
- Raźvivać ahralesahadoŭlu.
- Zachoŭvać bijaraznastajnaść.