Ahranom, jakaja pierajechała rabočuju, usio ž budzie płacić
Śviatłana Daŭhunienka, ahranom z Voranaŭskaha rajona, letaś pierajechała rabočuju, jakaja ŭ pracoŭny čas zasnuła na darozie. Śviatłanu sudzili, dali 3 hady chatniaj chimii i pastanavili spłacić paciarpiełaj 45 tysiač rubloŭ.
U vyniku, Daŭhunienka była nie zhodnaja z prysudam i padała apielacyju. Cikava, što nie pahadziłasia z prysudam i paciarpiełaja — rabočaja prasiła 50 tysiač kampiensacyi i kab «chimiju» ahranom adbyvała nie doma, a ŭ vypraŭlenčaj ustanovie.
Hrodzienski sud razhledzieŭ apielacyju — i pakinuŭ staroje rašeńnie ŭ sile. Ale ž adrazu amnistavaŭ Śviatłanu Daŭhunienka.
Taksama sumu kampiensacyi źmienšyli da 15 tysiač rubloŭ.
Praŭda, i hetaje rašeńnie siamja Daŭhunienkaŭ choča abskardzić: pa-pieršaje, i suma ŭsio ž nie małaja, a pa-druhoje, jany chočuć kab u incydencie vyśvietlili i vinu samoj paciarpiełaj — bo spać na darozie ŭ pracoŭny čas usio ž nielha, kaža Uładzimir Daŭhunienka, muž Śviatłany.
