Biełaruski ŭčastak naftapravoda «Družba» całkam ačyścili ad «brudnaj» nafty
Biełaruski ŭčastak naftapravoda «Družba» całkam ačyščany ad «brudnaj» nafty, paviedamlaje TASS sa spasyłkaj na AAT «Połacktransnafta Družba».
Biełaruś 19 krasavika paviedamiła, što ŭ naftapravod «Družba» pastupiła niajakasnaja rasiejskaja nafta, u jakoj ŭtrymańnie chłorarhaniki šmatkroć pieravyšaje dapuščalnuju normu. U vyniku tranzit syraviny ŭ Jeŭropu pa naftapravodzie «Družba» byŭ spynieny. Rasijski apieratar naftapravoda «Transnafta» zajaviŭ, što nafta była zabrudžanaja naŭmysna. U Rasii raspačali kryminalnuju spravu, pa jakoj prachodziać 13 čałaviek. Situacyja stała najbujniejšym naftavym kryzisam u sučasnaj rasijskaj historyi.
Zabrudžvańnie nafty chłorarhanikaj pryvodzić da vychadu z ładu technałahičnaha abstalavańnia NPZ. U pryvatnaści, chłorarhanika moža pryvieści da ŭtvareńnia salanaj kisłaty ŭ naftapravodzie i, jak vynik, karozii abstalavańnia. Praciahłaja pierapracoŭka «brudnaj» nafty moža pryvieści da nieabchodnaści zamieny abstalavańnia.
