Byłaja supracoŭnica Tinder abvinavaciła top-mieniedžara ŭ seksualnych damahańniach
Byłaja kiraŭnik adździeła kamunikacyj Tinder Raziet Pambakian abvinavaciła dyrektara kampanii Hreha Błata ŭ seksualnych damahańniach, paviedamlaje Daily Mail.
Pavodle jaje słoŭ, mužčyna zajšoŭ u haściničny numar paśla śviatočnaj viečaryny ŭ 2016 hodzie i pačaŭ «siłkom macać jaje hrudzi i vierchniuju častku ściohnaŭ, całavać jaje plečy, šyju i hrudzi».
U pazovie havorycca, što ŭsie hetyja dziejańni mužčyna ździajśniaŭ bieź jaje zhody. Pambakian taksama pakazała, što paśla hetaha sprabavała schavacca ad top-mieniedžara. Mužčyna paźniej prynios prabačeńni, adznačyła jana, ale jaje skarha nie była naležnym čynam razhledžana ŭ kampanii, niahledziačy na toje što śviedkami zdareńnia stali try čałavieki.
Pa słovach supracoŭnicy, na praciahu nastupnych dvuch hadoŭ jana zaznała dadatkovyja źniavahi i prynižeńnie ŭnutry kampanii, była adpraŭlenaja ŭ administracyjny adpačynak, publična abvinavačanaja ŭ zhodzie na dziejańni napadnika i niepravamierna zvolnienaja ŭ śniežni 2018 hoda.
Pambakian ličyć, što kampanija ihnaravała dziejańni Błata, bo jon uvachodziŭ u hrupu ludziej, jakija namahalisia zanizić košt Tinder pierad jaho prodažam kampanijam IAC i Match Group.
