8 žniŭnia — Mortal Kombat pa-biełarusku, jaho ŭžyvuju ahučać Hurkoŭ, Staniuta i Charłančuk
U kinateatry «Maskva» (pr. pieramožcaŭ, 13) 8 žniŭnia adbudziecca premjera filma «Mortał Kombat» na biełaruskaj movie.
Admietnaściu pakazu stanie «žyvaja ahučka»kinachita 90-ch. Taki farmat upieršyniu budzie realizavany prajektam «Biełaruskija ŭikendy». Ahučka i prakat karciny ździejśnieny kampanijaj «Kinakonh» pry padtrymcy velcom | A1. Dadatkovy pakaz projdzie 10 žniŭnia.
Niezvyčajny kinasieans pačniecca 8 žniŭnia ŭ 19:00. Svaje repliki «užyvuju» sa sceny kinazały buduć pramaŭlać akciory ahučki «Kinakonha»: Pavieł Charłančuk, Siarhiej Žbankoŭ, Aleh Harbuz, Kryścina Drobyš. Hałoŭnaha hieroja filma — Lu Kana — ahučyć viadomy spartsmien i pieršy dvuchkratny čempijon śvietu pa viersii Kunlun Fight Vital Hurkoŭ, a zahadkavuju pryncesu Kitanu — znakamitaja biełaruskaja himnastka Mielicina Staniuta.
Pakaz u «Maskvie» 10 žniŭnia adbudziecca z dublažom u zapisie. Pačniecca jon a 17:00.
Videahulnia Mortal Kombat vyjšła ŭ 1992 hodzie i adrazu ž stała nastolki papularnaj, što atrymała praciah u samych roznych vidach, siarod jakich — znakamity fantastyčny bajavik Poła Andersana, vypuščany ŭ 1995 hodzie.
U ramkach prajekta «Biełaruskija ŭikendy», jaki realizuje kampanija «Kinakonh» pry padtrymcy velcom | A1, viadomyja pradstaŭniki teatra i kino Biełarusi ŭdzielničajuć u pierakładzie i ahučcy na biełaruskuju movu zamiežnych filmaŭ, jakija paśla demanstrujucca ŭ šyrokim prakacie.
Siarod ich — «Chroniki Narnii: leŭ, viadźmarka i harderob», «Maleńki prync», «Forest Hamp», «Štorm», «Kniha Iłaja», «Tajamnica Kiełz», «Tajemnaje žyćcio Uołtera Mici», «Rybka Pońjo», «Padymajecca viecier», «Moj siabar žyrafa», «Vohnienyja kalaśnicy», «Nievierahodny mistar Foks», a taksama kłasika kaladnaha kino — filmy «Mocny arešak», «Heta cudoŭnaje žyćcio» i «Adzin doma».
Padrabiaznaja infarmacyja ab prajekcie «Biełaruskija ŭikendy» i jaho inšych pakazach — na sajtach kinakong.by i velcom.by.