«Robin Hud» pad Astraŭcom: mužčynu ŭ lesie paranili strałoj u šyju

Astraviecki rajadździeł Śledčaha kamiteta rasśleduje kryminalnuju spravu pa fakcie pryčynieńnia ciažkich cialesnych paškodžańniaŭ pa nieaściarožnaści, piša pres-słužba SK.

3 žniŭnia pad viečar u lesie kala Astraŭca, padčas stralby z łuka pa mišeni, byŭ traŭmavany 41-hadovy miascovy žychar. Strała trapiła jamu ŭ šyju. Mužčyna špitalizavany.

U ździajśnieńni złačynstva abhruntavana padazrajecca jaho 23-hadovy znajomy. Jon zatrymany.

Pravaachoŭniki vyśviatlajuć abstaviny, ahladajuć miesca zdareńnia, dapytvajuć vidavočcaŭ. Vysnovu ab prynaležnaści łuka da katehoryi kidalnaj zbroi, a taksama jaho strałkovyja charaktarystyki, buduć vyśvietleny śpiecyjalistami ŭ ramkach ekśpiertyzy kidalnaj zbroi.

Rasśledavańnie praciahvajecca.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0