Dziesiać talenavitych nastaŭnikaŭ pajeduć pracavać na pieryfieryju. Dva hady bank budzie płacić im stypiendyju
U Biełarusi vybrali i padrychtavali 10 talenavitych nastaŭnikaŭ, jakija na dva hady pajeduć pracavać u škoły za miežami stalicy i abłasnych centraŭ, piša tut.by.
Fota Nadziei Bužan, tut.by.
Akramia asnoŭnaj zarpłaty, piedahohi buduć atrymlivać kožny miesiac stypiendyju — 250 rubloŭ. Taksama im vydaduć kampjutary, kampiensujuć pierajezd i dapamohuć z žyllom. Prajekt realizuje Ministerstva adukacyi sumiesna z BPS-Śbierbankam.
Ad 1 vieraśnia nastaŭniki pačnuć pracu ŭ piaci navučalnych ustanovach. U Minskaj vobłaści ich čakajuć u troch siarednich škołach — u pasiołku Nieharełaje, ahraharadkach Lady i Papłavy. Piedahohaŭ taksama pracaŭładkujuć ŭ himnazii Dziaržynska. Niekatoryja nastaŭniki adpraviacca ŭ Bresckuju vobłaść, dzie buduć vučyć dziaciej u siaredniaj škole ahraharadka Pavićcie.
Udzielniki prajšli trochetapny adbor, paśla čaho adpravilisia na letni intensiŭ. Za miesiac jany prajšli praktyčnyja kursy, zaviaršeńniem padrychtoŭki stała prahrama tydniovaha školnaha łahiera «Navyki XXI stahodździa» dla dziaciej z Barysaŭskaha rajona.
— Ciapier naša asnoŭnaja zadača — maštabavać prahramu. Nabor novych udzielnikaŭ budzie adbyvacca kožny hod. Tamu ź vieraśnia pačynajuć pracu našy ambasadary ŭ VNU, dzie my budziem pravodzić mierapryjemstvy dla budučych nastaŭnikaŭ, — adznačyła namieśnik staršyni praŭleńnia BPS-Śbierbanka Lilija Astapovič.
