Fatohrafu ŭdałosia źniać udar małanki ŭ viaršyniu vułkana FOTAFAKT
Unikalnaje fota, jakoje złaviła momant, kali mahutnaja małanka bje ŭ viaršyniu vułkana, udałosia zrabić fatohrafu z Hvatemały Sierchia Montafaru. Jon źniaŭ momant, kali elektryčny razrad udaryŭ u dźvie anteny suviazi, ustanoŭlenyja na samaj viaršyni vułkana Ahua (vyšynia 3761 mietr) u Hvatemale, piša TASS.
#Lightningstrikes#photooftheday
NASA reveals incredible photo of lightning striking the top of a volcano
⚡️
(Image: Sergio Montúfar (Pinceladas Nocturnas))#nature#travel#lightning#storm#ifbDrive#photography#StormHour#ThePhotoHour#followback#TuesdayMotivationpic.twitter.com/wOpMSmMikf
Kamientujučy hetuju fatahrafiju, ekśpierty NASA adznačyli, što ŭ abłokach pry pieramiaščeńni pavietranych mas ź nižnich słajoŭ u vierchnija adbyvajecca ŭzajemadziejańnie tych słajoŭ, dzie čaścinki vady pieratvarylisia ŭ śniažynki, z tymi, dzie jany stali drobnymi ildzinkami. Pry hetym adbyvajecca pavolny praces nazapašvańnia elektryčnych zaradaŭ u vierchniaj i nižniaj častkach vobłaka i ŭ vyniku z-za roznaści elektryčnych patencyjałaŭ uźnikaje mahutny razrad — małanka. Hety elektryčny razrad raspaŭsiudžvajecca zihzaham, imhnienna nahravajučy nievialikija ŭčastki pavietra da tempieratury, što ŭtraja pieravyšaje tempieraturu na Soncy. Udarnaja chvala, jakaja ŭźnikła ŭ vyniku razradu, raspaŭsiudžvajecca spačatku sa zvyšhukavoj chutkaściu, a zatym zapavolvajecca i ŭ hety momant razdajecca vybuch hromu.
U siarednim, pavodle acenak NASA, va ŭsim śviecie štochvilinna ŭźnikaje kala 6 tysiač mahutnych małanak.
