MZS Biełarusi adreahavała na spynieńnie DRSMD
«Respublika Biełaruś z škadavańniem uspryniała vychad ZŠA z Damovy ab likvidacyi rakiet siaredniaj i mienšaj dalokaści (DRSMD), jaki viadzie da spynieńnia jaho dziejańnia, — havorycca ŭ zajavie na sajcie MZS. —
DRSMD źjaŭlaŭsia adnym z najvažniejšych elemientaŭ sučasnaj razzbrajenčaj architektury. Damova ŭniesła istotny ŭkład u źnižeńnie napružanaści i ŭmacavańnie davieru na jeŭrapiejskim kantyniencie praz zabaronu cełaha kłasa kryłatych i balistyčnych rakiet i faktyčna pakłała pačatak praktyčnym krokam u halinie jadziernaha razzbrajeńnia. Spynieńnie dziejańnia DRSMD nanosić surjozny ŭron mižnarodnaj biaśpiecy i stratehičnaj stabilnaści, stvarajučy pieradumovy dla honki ŭzbrajeńniaŭ u roznych rehijonach śvietu, u pieršuju čarhu ŭ Jeŭropie.
Jak adkazny i paśladoŭny bok DRSMD, Biełaruś była hatova ŭdzielničać u lubych kanstruktyŭnych namahańniach pa zachavańni jaje žyćciazdolnaści. My nieadnarazova prapanoŭvali vyrašać prablemnyja pytańni z dapamohaj prafiesijnaha i ŭzajemapavažlivaha dyjałohu ŭ ramkach praduhledžanych Damovaj miechanizmaŭ. Na žal, našy prapanovy zastalisia biaz adkazu.
U ciapierašniaj sytuacyi zaklikajem usie zacikaŭlenyja dziaržavy pa abodva baki Atłantyki prykłaści maksimum namahańniaŭ, kab praduchilić raźmiaščeńnie rakiet siaredniaj i mienšaj dalokaści na jeŭrapiejskim kantyniencie. Biełaruś hatovaja da kanstruktyŭnaj i metaskiravanaj pracy dla dasiahnieńnia hetaj mety».