U Słonimie supracoŭnica banka padmanuła znajomych na 540 tysiač rubloŭ
Supracoŭnicu banka sa Słonima abvinavačvajuć u tym, što jana vymantačyła ŭ znajomych 540 tysiač rubloŭ, paviedamlaje Śledčy kamitet.
Sa studzienia 2014 hoda pa kastryčnik 2018 hoda, vykarystoŭvajučy daviernyja adnosiny z paciarpiełymi, žančyna prasiła ich pazyčyć joj hrošy pad roznymi vydumanymi pryčynami. Marnujučy hrošy, jana pieršapačatkova nie źbirałasia ich viartać.
U krasaviku 2017 hoda pry zvarocie adnoj sa znajomych klijentak u bank, kab zakryć kredytny dahavor, supracoŭnica banka tolki dla vyhladu apracavała takuju zajavu apošniaj. Nieabchodnyja dakumienty pa zakryćci dahavora i viartańni bankaŭskaj apłatnaj karty abvinavačanaja nie aformiła. Potym pry dapamozie karty ašukanaj klijentki jana zdymała hatoŭku, apłačvała tavary i pasłuhi.
Pryčynienuju škodu nikomu z paciarpiełych abvinavačanaja nie pakryła.
Žančyna zastajecca pad vartaj.
