ZŠA ŭviali novyja sankcyi suprać Rasii z-za spravy Skrypaloŭ
Prezident ZŠA Donald Tramp padpisaŭ ukaz ab uviadzieńni druhoha pakieta sankcyj suprać Rasii. Pra heta paviedamlaje Politico sa spasyłkaj na dvuch amierykanskich čynoŭnikaŭ, piša lenta.ru.
Abmiežavalnyja miery buduć uviedzienyja ŭ suviazi z užyvańniem rečyva «Navičok» u brytanskim Sołśbiery. Adznačajecca, što dziarždepartamient i ministerstva finansaŭ ZŠA padrychtavali pakiet sankcyj u kancy sakavika, adnak amierykanski lidar adkładvaŭ padpisańnie dakumienta. Jak piša vydańnie, jon admysłova zamaroziŭ druhi raŭnd sankcyj z-za niežadańnia procidziejničać Pucinu.
U lipieni kamitet pałaty pradstaŭnikoŭ ZŠA pa zamiežnych spravach zaklikaŭ Trampa ŭvieści suprać Maskvy druhi raŭnd sankcyj. Takim čynam płanavałasia «pryvieści Rasiju da adkaznaści za hrubaje ŭžyvańnie chimičnaj zbroi ŭ Jeŭropie».
