Minharvykankam dahetul vahajecca, ci dazvolić hetuju pryhožuju patryjatyčnuju rekłamu FOTA
Zasnavalnik kramy Symbal.by raskazaŭ jašče adnu historyju pra rekłamny banier, makiet jakoha doŭha chodzić pa vysokich kabinietach, i dziaržaŭnyja słužboŭcy dumajuć, što ź im rabić.
«Rodnaja Biełaruś» — heta byŭ druhi, zapasny rekłamny siužet, a ŭ pieršuju čarhu my chacieli raźmiaścić voś hety — z pryhožaj dziaŭčynaj u cišotcy z «Pahoniaj», — piša Biełavus.
Rekłamnaje ahienctva «Miedyja Aljans» pahadziłasia ŭziacca za spravu.
«Ahiencyja choć i vałodaje vialikimi rekłamnymi płoščami ŭ mietro, ale kožny siužet treba ŭzhadniać z rekłamnym adździełam mietrapalitena, — piša Biełavus. — U mietrapalitenie skazali, što nie hatovyja brać na siabie adkaznaść, i nakiravali ŭ adździeł Minharvykankama, jaki kantraluje rekłamu ŭ horadzie. Tam ahiencyi skazali, što heta nie ich sprava i treba nakiroŭvać list u adździeł ideałohii horada, jaki pavinien dać svaju pravavuju acenku.
Adździeł ideałohii daŭ adkaz, što zvarot da ich nie karektny i treba źviartacca pa hetym pytańni niepasredna da staršyni Minharvykankama Anatola Sivaka.
«Miedyja Aljans» nakiravaŭ adpaviedny list, i voś čakajem adkazu, kudy nakirujuć dalej, — stavić smajliki Biełavus i adznačaje: — I heta pry tym, što my na makiecie admysłova pakinuli nadpis: «Hierb «Pahonia» — achoŭvajecca zakonam, uniesieny ŭ Dziaržaŭny śpis historyka-kulturnych kaštoŭnaściej Respubliki Biełaruś».
