Student z Konha ŭ bojcy adkusiŭ kavałak padbarodka žycharu Navapołacka
Zdaryłasia ŭsio jašče ŭ pačatku lipienia kala miascovaha načnoha kłuba.
Zamiežny student, jaki vučyŭsia ŭ Połackim univiersitecie, razam ź siabrami i svajoj dziaŭčynaj adpačyvaŭ u kłubie. Paśla zakryćcia kłuba kala kramy, jakaja znachodzicca niezdalok, zdaryŭsia kanflikt ź miascovymi žycharami.
Jan Komba, pradstaŭnik afrykanskich studentaŭ Połackaha ŭniviersiteta, paćvierdziŭ «Našaj Nivie» praŭdzivaść historyi.
Pa jaho słovach, student z Konha adpačyvaŭ u kłubie razam ź dziaŭčynaj. Dziaŭčyna — biełaruska, miascovaja žycharka. I kali jany vyjšli z kłuba, da ich nibyta pryčapilisia miascovyja: pačali abražać ciemnaskuraha chłopca, pytacca ŭ dziaŭčyny «a čaho heta ty ź niehram?». Słova za słova — pačałasia bojka, padčas jakoj student i ŭčapiŭsia zubami ŭ tvar adnaho ź miascovych žycharoŭ.
U vyniku student adkusiŭ svajmu apanientu kavałak padbarodka.
Paciarpieły paśla ŭkusa. Fota — vk.com/live2goroda
Paciarpiełaha špitalizavali, zrabili apieracyju. Studenta razam ź dziaŭčynaj zabrała milicyja. Viadoma, što jany byli pjanyja.
Zaviedziena kryminalnaja sprava.