Mužčynu ŭdaryli nažom u hrudzi, ale jon źviarnuŭsia ŭ balnicu tolki praz sutki
U balnicu z pranikalnym ranieńniem hrudnoj kletki dastavili 52-hadovaha žychara stalicy. Miedycynskim rabotnikam mužčyna rastłumačyŭ, što traŭmiravali jaho nieviadomyja ludzi na vulicy, paviedamlaje milicyja.
Pravaachoŭniki vyśvietlili, što tymi samymi «nieviadomymi ludźmi», jakija paranili mužčynu, akazałasia blizkaja pryjacielka 52-hadovaha paciarpiełaha.
Napiaredadni 37-hadovaja žančyna zaprasiła da siabie ŭ hości paciarpiełaha. Praź niekatory čas žančyna paprasiła mužčynu pakinuć jaje kvateru, ale toj admoviŭsia. Jany pasvarylisia, u vyniku žančyna naniesła svajmu hościu ŭdar nažom u vobłaść hrudnoj kletki. Paśla hetaha mužčyna ŭsio ž pajšoŭ dadomu i tolki praz sutki źviarnuŭsia pa dapamohu da miedykaŭ.
Paciarpieły rastłumačyŭ, što nie chacieŭ paviedamlać pra ranieńnie ŭ milicyju z-za taho, što źjaŭlajecca dobrym siabram siamji.
Žančynie pahražaje pakarańnie ŭ vyhladzie abmiežavańnia voli na termin ad troch da piaci hadoŭ abo pazbaŭleńnia voli na termin ad čatyroch da vaśmi hadoŭ.
