Lidar hałoŭnaj prarasijskaj partyi va Ukrainie: Ja razmaŭlaju pa-rusku ŭ znak pratestu
Kiraŭnik «Apazicyjnaj płatformy — za žyćcio» Viktar Miedźviadčuk havoryć na ruskaj movie, kab takim čynam «vykazać pratest», paviedamlaje ŭ fejsbuku jaho pres-słužba.
Palityk udakładniŭ, što choča padtrymać ludziej, u pieršuju čarhu žycharoŭ paŭdniovaha ŭschodu Ukrainy. «Ja mahu svabodna razmaŭlać na ŭkrainskaj movie. Ale ŭ znak pratestu śpiecyjalna razmaŭlaju pa-rusku, kab padtrymać ludziej, asabliva žycharoŭ paŭdniovaha ŭschodu. Heta važna dla tych, chto razumieje, što sutnaść nie ŭ movie. A ŭ tym, <…> jak my žyviom i što nas čakaje zaŭtra», — skazaŭ Miedźviadčuk.
Partyja «Apazicyjnaja płatforma — za žyćcio» — prarasijskaja, pa vynikach minułych parłamienckich vybaraŭ jana sfarmuje druhuju pa vieličyni frakcyju ŭ Viarchoŭnaj Radzie.
Asabliva vysokija vyniki «Apazicyjnaja płatforma — za žyćcio» pakazała na ŭschodzie krainy.
