Ministr ekanomiki Rasii: Budaŭnictva Sajuznaj dziaržavy moža być zakansiervavana
Ministr ekanamičnaha raźvićcia Rasii Maksim Areškin nie vyklučyŭ, što budaŭnictva Sajuznaj dziaržavy moža być zakansiervavana abo ŭ im adbudziecca razvarot, piša reform.by.
Pa słovach ministra, sumiesnaj rabočaj hrupaj padrychtavany prajekt intehracyjnaj prahramy dla Sajuznaj dziaržavy. Jana ŭzhodniena pa bolšaści pazicyj. Adnak zastałosia niekalki klučavych pytańniaŭ, jakija pavinny być vyrašany na vyšejšym uzroŭni. Pavinny być pryniaty rašeńni.
«Kali jany nie buduć pryniatyja, to heta moža zakansiervavać budaŭnictva Sajuznaj dziaržavy, a pry peŭnych abstavinach jaho navat raźviarnuć», — skazaŭ Maksim Areškin na plenarnym pasiadžeńni VI Forumu rehijonaŭ Biełarusi i Rasii.
U vypadku pryniaćcia rašeńniaŭ i realizacyi prahramy SD moža vyjści na novy ŭzrovień.
«Realizacyja takoj prahramy dazvolić dasiahnuć pryncypova novaha ŭzroŭniu ŭ raźvićci Sajuznaj dziaržavy i, što važna, biez ŭniasieńnia jakich-niebudź źmianieńniaŭ u Sajuzny dahavor», — dadaŭ Maksim Areškin.