Mahiloviec prakaciŭsia na čužym «Šeŭrale» — uładalnicy pryjšoŭ štraf
U milicyju źviarnułasia 47-hadovaja mahiloŭka, indyvidualny pradprymalnik, na aŭtamabili «Šeŭrale» jakoj ździejśniŭ pajezdku supracoŭnik ramontnaj majsterni, piša Mogilevnews.by.
Aŭtamabil žančyna addała ŭ ramontnuju majsterniu, a sama adpraviłasia za miažu. Viarnuŭšysia, jana zabrała mašynu i ździviłasia, kali na jaje adras pryjšoŭ list z patrabavańniem zapłacić štraf za pajezdku ŭ niećviarozym vyhladzie. Žančyna vyrašyła, što adbyłasia pamyłka, bo ŭ hety čas jana adpačyvała ŭ inšaj krainie.
Akazałasia, što prakacicca aŭtamabil braŭ supracoŭnik ramontnaj majsterni, 19-hadovy mahiloviec, raniej užo sudzimy za chulihanstva. U hety raz jon byŭ pjany i vyrašyŭ, što nichto nie daviedajecca pra pajezdku, adnak jaho płany zbłytali pilnyja supracoŭniki DAI. Praŭda, mahiloŭka sprabavała ŭładzić kanflikt biez pravaachoŭnikaŭ, ale małady čałaviek, jaki abiacaŭ pryznacca, što heta jon, pierastaŭ vychodzić na suviaź i navat na pracu. Tady žančyna źviarnułasia ŭ milicyju.
Małady čałaviek aryštavany. Vyrašajecca pytańnie ab zaviadzieńni kryminalnaj spravy za kradziež transpartnaha srodku.
