Kieramiku I—IV stahodździaŭ znajšli na miescy staražytnaha haradzišča pad Vierchniadźvinskam
Archieałahičnyja raskopki viaducca na haradziščy ŭ vioscy Ciasty Vierchniadźvinskaha rajona Viciebskaj vobłaści. U ekśpiedycyi biaruć udzieł pieršakurśniki histaryčnaha fakulteta BDU. Kiraŭnikami vystupili staršy navukovy supracoŭnik Instytuta historyi NAN Biełarusi, dacent kafiedry archieałohii i śpiecyjalnych histaryčnych dyscyplin BDU Palina Kurłovič, vykładčyk nazvanaj kafiedry Uładzimir Płavinski i dacent kafiedry krynicaznaŭstva VNU Volha Lipnickaja, pieradaje pres-słužba ŭniviersiteta.
Zakładzieny raskop na płoščy 80 kv. m dazvoliŭ archieołaham znajści pradmiety, jakija adlustroŭvajuć bytavuju kulturu plamionaŭ bałtaŭ. Siarod znachodak — rybałoŭnyja hapliki, nažy, šyły, siakiery, praśnica, pradmiety ŭzbrajeńnia i inš. Vyjaŭleny taksama ŭpryhažeńni z žaleza i bronzy. Heta branzalety, špilki, blaški, pranizki.
Vialikaja kolkaść raznastajnaj kieramiki. Jana ŭsia lapnaja, ale značna adroźnivajecca pamiž saboj. Častka posudu adnosicca da dniepra-dźvinskaj archieałahičnaj kultury i datujecca I—IV stahodździami n.e. Jość u znojdzienaj kalekcyi frahmienty poźniaj kieramiki. Na dadzieny momant nie ŭdałosia ŭstalavać jaje pachodžańnie i prynaležnaść da peŭnaha nasielnictva.
Kankretnuju pieryjadyzacyju znojdzienych artefaktaŭ dapamohuć ustalavać dalejšyja navukovyja daśledavańni.
Upieršyniu haradzišča daśledavałasia ŭ pačatku 1980-ch hadoŭ. Z tych časoŭ archieałahičnyja raskopki tut nie pravodzilisia.
