Minskaja prybiralščyca skrała arendny samakat. A potym vykinuła GPS-datčyk
Usio pačałosia z taho, što ŭ Saviecki RUUS źviarnuŭsia pradstaŭnik pryvatnaj kampanii pa prakacie elektryčnych samakataŭ. Maŭlaŭ, prapaŭ adzin z samakataŭ, paviedamlaje haradskaja milicyja.
Milicyja chutka znajšła złodzieja, heta była 55-hadovaja prybiralščyca adnaho z padziemnych piešachodnych pierachodaŭ stalicy.
U adzin ź dzion jana źviarnuła ŭvahu na elektryčny samakat, jaki stajaŭ biez nahladu, i schavała ŭ dapamožnym pamiaškańni. Praź niekatory čas jana daviedałasia, što samakat arendny i na im majucca datčyki adsočvańnia. Tady jana paprasiła nieviadomaha mužčynu za plašku śpirtnoha razabrać samakat i dastać datčyki. Kali sprava była zroblena, žančyna adniesła samakat dadomu i schavała ŭ padvale.
Žančyna była zatrymanaja. Jana patłumačyła, što skrała samakat dla asabistaha karystańnia. Suma škody skłała 1000 rubloŭ.
