Futbolny trenier Siniša Michajłavič: U mianie lejkiemija, ale ja vyjhraju hetu bitvu
Hałoŭny trenier futbolnaj «Bałońji», a ŭ minułym vydatny futbalist, majstar vykanańnia štrafnych udaraŭ Siniša Michajłavič na pres-kanfierencyi paviedamiŭ ab tym, što chvory na lejkiemiju.
«U mianie lejkiemija. Kali ja daviedaŭsia pra hetu navinu, heta byŭ sapraŭdny ŭdar. Niekalki dzion ja płakaŭ, ale heta byli nie ślozy strachu.
Ja pavažaju chvarobu, ja sustrenusia ź joj, hledziačy joj u vočy. Čakaju, kali pajedu ŭ špital, dzie pačnu boj. Chvaroba ahresiŭnaja, ale pieramahčy možna.
Ja kazaŭ heta i futbalistam. Tłumačyŭ, što my pavinny atakavać i imknucca da pieramohi. Budziem adsiedžvacca i abaraniacca — nas prybjuć.
Ja pavinien vykarystoŭvać hetuju taktyku ŭ baraćbie. Upeŭnieny, što ja vyjhraju hetuju bitvu.
Ja vyjhraju baraćbu dla majoj siamji, dla maich dziaciej, dla ŭsich tych, chto lubić mianie», - zajaviŭ Michajłavič.
Doktar kłuba dadaŭ, što Michajłavič praciahnie treniravać.
«U jaho niama simptomaŭ, heta vielmi dobry pačatak. Z aŭtorka jon budzie naviedvać špital dla pracedur, my ŭ nadziejnych rukach. Jon zmoža praciahnuć pracu i prosta abaviazany heta zrabić,bo nie moža žyć, kali nie kaža hulcam, što jany zaniali niapravilnuju pazicyju ci niešta zrabili drenna.
Pakul nie možam skazać, kolki zojmie lačeńnie. My viedajem dyjahnaz, ale pakul nie viedajem dakładny typ lejkiemii, adpaviedna, nieviadomy i sposab lačeńnia abo jaho terminy.
Ja viedaju jaho 10 hadoŭ, jon vierniecca jašče macniejšym psichałahična i fizična. Jon prosta tank!» — zajaviŭ doktar.