Vosiem aficeraŭ FSB Rasii schavalisia na Kaŭkazie paśla abvinavačvańniaŭ u razboi
Vosiem aficeraŭ FSB, jakija prachodziać pa spravie ab razboi ŭ maskoŭskim banku, schavalisia na Paŭnočnym Kaŭkazie, daviedaŭšysia pra zatrymańnie kalehaŭ. Pra heta paviedamlaje «Novaja hazieta» sa spasyłkaj na krynicy.
Pavodle źviestak vydańnia, aficery śpiecpadraździaleńnia «Alfa» byli ŭ kamandziroŭcy na Paŭnočnym Kaŭkazie «i priedpočli skryťsia» paśla źjaŭleńnia infarmacyi pra aryšty ŭ viedamstvie.
Taksama paviedamlajecca, što za apošnija dva hady na ŭdzielnikaŭ «obnalnoho rynka» — heta značyć, apieracyj pa pieravodzie bieznajaŭnych hrošaj u hatoŭku — ździejśnienyja dva napady. Kartežy z hrašyma błakavali mikraaŭtobusy biez numaroŭ, adkul vybiahali mužčyny i kryčali «Pracuje FSB». Čym zakančvalisia napady, «Novaja hazieta» nie ŭdakładniaje.
Sprava na FSBšnikaŭ zaviedzienaja za toje, što jany rabavali ŭdzielnikaŭ takich apieracyj, a zabranyja hrošy nie zdavali dziaržavie, a pakidali sabie. Lik išoŭ na miljony dalaraŭ. Heta adna z samych skandalnych spraŭ u rasijskaj śpiecsłužbie za apošni čas.