«Šenhien» padaražeje da 80 jeŭra z 2 lutaha
Z 2 lutaha za atrymańnie šenhienskaj vizy daviadziecca zapłacić 80 jeŭra. Rašeńnie Rady Jeŭrasajuza pa źmienach u Vizavy kodeks apublikavana ŭ aficyjnym časopisie ES, piša Tut.by.
U lutym Jeŭraparłamient i Rada ES dasiahnuli papiaredniaj damovy pa prapanovie Kamisii pa madernizacyi vizavaj palityki ES. Akramia palahčeńnia pracedury atrymańnia vizy źmieny ŭklučajuć u siabie i padaražańnie šenhienskaj vizy z 60 da 80 jeŭra.
Što da Biełarusi, to pieramovy pa spraščeńni vizavaha režymu ź ES viaduć užo niekalki hadoŭ. 4 lipienia kiraŭnik pradstaŭnictva ES u Minsku Andrea Viktaryn zajaviła, što «pieramovy ŭžo zavieršany, supiarečnaściaŭ niama, tekst uzhodnieny».
Zaraz Minsk i Brusel pavinny pravieści dakumient praz usie ŭnutrydziaržaŭnyja pracedury. Hety praces moža zaniać 2-3 miesiacy, a zatym baki vychodziać na padpisańnie dakumientaŭ.
Čakajecca, što dla hetaj cyrymonii praviaduć sustreču na vysokim uzroŭni. Paśla padpisańnia pahadnieńnia «šenhien» dla biełarusaŭ budzie kaštavać 35 jeŭra.