U Litvie zabłakiravali «Sputnik» z-za parušeńnia aŭtarskich pravoŭ
Litoŭskaja kamisija pa radyjo i telebačańni (ŁKRTB) pastanaviła, što litoŭski partał rasijskaha navinavaha ahienctva «Sputnik» pavinien być zabłakavany z-za parušeńniaŭ aŭtarskich pravoŭ, piša Delfi.
Kamisija źvierniecca ŭ sud, kab jon abaviazaŭ internet-pravajdaraŭ likvidavać mahčymaść dostupu da partała sputniknews.lt. Dostup da «Sputnika» budzie zabłakavany z-za taho, što ahienctva biez dazvołu raźmiaščaje ŭ siabie publikacyi navinavaha partała litoŭskaha nacyjanalnaha viaščalnika lrt.lt. Na pasiadžeńni staršynia ŁKRTB Mantas Marcišus skazaŭ, što «Sputnik» nie reahavaŭ na papiaredžańni nie vykarystoŭvać čužy kantent.
«Administracyja internet-sajta nie pradprymaje nijakich dziejańniaŭ dla likvidacyi niezakonna abnarodavanaha kantentu, jaki znachodzicca pad abaronaj aŭtarskich pravoŭ», — skazaŭ na pasiadžeńni staršynia ŁKRTB.
Kamisija ŭstanaviła, što na partale niezakonna było raźmieščana amal 1,5 tys. artykułaŭ. M. Marcišus adznačyŭ, što kali «Sputnik» likviduje parušeńni, jon zmoža źviarnucca ŭ kamisiju nakont adnaŭleńnia dostupu.
